Ашәахтәқәеи аизгақәеи рминистр ихаҭыԥуаҩцәа шьақәырӷәӷәоуп

27 Июля 2017

Ԥхынгәы 26 имҩаԥысыз изаамҭанытәиу Аԥсны Аҳәынҭқарра Аминистрцәа реилазаара аилатәара аҟны Ашәахтәқәеи аизгақәеи рминистр ихаҭыԥуаҩцәас иҟаҵоуп Арӡынба Генади Леонти-иԥеи Гәлиа Александр Арзааби-иԥеи.



Арӡынба Генади Леонти-иԥа диит нанҳәа 16 1959 ш. рзы Гәдоуҭа араион Дәрыԥшь ақыҭан. 
1981 ш. рзы далгеит Благовешьенсктәи ақыҭанхамҩатә институт.
1988 ш. инаркны аус иуан Асовет еидгыла аҩныҵҟатәи аусқәа рминистрра Саратовтәи аҟәша аҟны.
1991 ш. инаркны аус иуан Аҟәатәи аҩныҵҟатәи аусқәа русбарҭа аҟны. 
Аԥсны жәлар рџьынџьтәылатә еибашьра далахәын. Ианашьоуп Леон иорден.
1994 ш. инаркны дыҟан Аԥсны ашәахтә маҵзура аиҳабы актәи ихаҭыԥуаҩс.
2002 ш. инаркны аус иуеит Ашәахтәқәеи аизгақәеи рминистр ихаҭыԥуаҩс.
Ашәахтә маҵзура абжьгаҩ 1 акласс .

Дҭаацәароуп, димоуп аԥа.


Гәлиа Александр Арзааби-иԥа. Диит Цәыббра 2 1948 ш. рзы Аҟәа. 
1971 ш. рзы далгеит Жданов ихьӡ зху Ленинградтәи аҳәынҭқарратә университет аекономист изанааҭ ала.
1974 ш. рзы ихьчеит акандидаттә диссертациа. Аус иуан Асовет еидгылеи Аԥсныи еиуеиԥшым анапхгаратә маҵурақәа рҟны. 
1999 ш. рзы дҟаҵан Аԥсны ашәахтә маҵзура аиҳабы ихаҭыԥуаҩс. 
2002 ш. инаркны аус иуеит Ашәахтәқәеи аизгақәеи рминистр ихаҭыԥуаҩс. 
20 инареиҳаны анаукатә усымҭақәа дравторуп, урҭ рхыԥхьаӡара аҟны иҟоуп раԥхьаӡатәи ашәахтә терминқәа аԥсуа-аурыс-англыз жәар. 
Ашәахтә маҵзура абжьгаҩ 1 акласс .

Дҭаацәароуп, ҩыџьа арԥарцәа драбуп.

Асиахь ахынхәра