Даур Кәырмазиа ианашьоуп Ашәахтә маҵзура аҳәынҭқарратә абжьгаҩ икласстә чын.

3 Октября 2018
Жьҭаарамза 3 рзы, Аԥсны аҳәынҭқарра ахада иусԥҟа инақәыршәан Даур Кәырмазиа ианашьоуп Ашәахтә маҵзура аҳәынҭқарратә абжьгаҩ икласстә чын.

  Кәырмазиа Даур Леонти-иԥа диит нанҳәа 28 1974 ш. рзы Гәдоуҭа ақалақь аҟны.
1991 ш. рзы дҭалеит Аԥснытәи аҳәынҭқарратә университет аекономикатә факультет, дагьалгоит 1997 ш. рзы.
2002 ш. рзы дҭалеит Аԥснытәи аҳәынҭқарратә университет аазиндырратә факультет, қәҿиаралагьы ихирқәшоит 2005 ш. рзы.
1997 ш. инаркны 2003 ш. аҟынӡа аус иуан Аԥсны афинансқәа рминистрра ахылаԥшратә-ревизиатә усбарҭа аспециалистс.
2003 – 2004 шш. рзы хадара азиуан Ашәахтәқәеи аизгаақәеи рминистрра Гәдоуҭатәи аинспекциа азинтә хаҿқәа ршәахтәқәҵара аҟәша.
2004 ш. рзы диаган Ашәахтәқәеи аизгаақәеи рминистрра азинтә хаҿқәа ршәахтәқәҵара аусбараҭа аиҳабы ахаҭыԥуаҩс.
2005 ш. рзы дҟаҵан Ашәахтәқәеи аизгаақәеи рминистрра азинтә хаҿқәа ршәахтәқәҵара аусбараҭа аиҳабыс.
2006 ш. инаркны аус иуан ЗҲәА «Оливиус» аҳасабеилыргаҩ хадас.
2009-2011 шш. рзы аус иуан ЗҲәА «Мысра» аҳасабеилыргаҩ хадас.
09.11.2011ш. инаркны 27.04.2015ш. аҟынӡа дхынҳәит Ашәахтәқәеи аизгаақәеи рминистрра ахь, азинтә хаҿқәа ршәахтәқәҵара аусбараҭа аиҳабыс.
10.04.2014 ш. рзы Аԥсны аҳәынҭқарра ахада иусԥҟала Даур Кәырмазиа ианашьоуп «Ашәахтә маҵзура аҳәынҭқарратә абжьгаҩ 1 акласс» ҳәа ачын.
2015ш. рзы дҟаҵоуп АУН «ОПК Пицунда» диреқторс.
2016 ш. жьҭаарамза рзы Аԥсны аҳәынҭқарра ахада иусԥҟала дҟаҵоуп Ашәахтәқәеи аизгақәеи рминистрс.
1992-1993 шш. инаигӡон ирратә уалԥшьа Аԥсны арбџьармчқәа аҳәаахьчаратә ҟәша аҟны.
Дҭаацәароуп, ҩыџьа ахшара драбуп.
Асиахь ахынхәра